Багушэвічы
Зноў адпраўляемся ў вандроўку. На гэты раз заедзем у
вёску Багушэвічы, якая знаходзіцца ў Бярэзінскім раёне. Самае цікавае, што
ёсць паглядзець у Багушэвічах, гэта касцёл сярэдзіны 19 стагоддзя, аб чым
сведчыць прыдарожны знак.
Адразу пасля гэтага знака з'ехаўшы на правы
бок, нас сустракае вельмі цікавая дарога з прыемнымі ляснымі пейзажамі і
рэчкай.
Каб даехаць да нашай вёскі трэба праехаць вёску Марціянаўка, перацекчы
рэчку Бусль і праехаўшы ўжо ў вёске Багушэвічы тамашні лясгас, каля буслоўкі
звярнуць на правы бок.
Насамрэч,
я не адразу знайшоў касцёл, праехаў міма, затое паглядзеў на вёску, убачыў, што
там ёсць новая праваслаўная царква. Прыйшлося
спытацца ў мясцовых як праехаць да касцёла.
Пад'ехаўшы, уражвае тое месца, дзе ён знаходзіцца. Стаіць касцёл на беразе рэчкі Уса, бераг высокі і
звонку тэрыторыя касцёла акружана кустарнікам і дрэвамі, такое адчуванне, што
гэты насып быў зроблены штучна, але гэта не так, месца гэта завеца Касцёльная
гара. Дзе-нідзе па краях сустракаюца кусты шыпоўніка, якія напаўняе паветра
непаўторным прыемным водарам. Калі я не памыляюся, большасць старых дрэваў гэта
арэшыны, якія уражваюць сваімі памерамі.
Гэты касцёл завеца касцёлам Божага цела. Пабудаваны ён
быў у сярэдіне 18 стагоддзя як фамільная пахавальня Свентаржэцкіх уладальнікаў
сядзібы. Дарэчы касцёл знаходзіца на тэрыторыі старажытнага гарадзішча 7 ст. да
н.э – 2 ст. н.э.
Упершыню ў дакументах Багушэвічы згадваюцца ў 1501 годзе. У 1644 годзе
Грыгорый Друцкі-Горскі заснаваў касцёл, ён знаходзіўся недалёка ад цяперашняга.
Таксама тут існавала прыстань і вадзяны млын, два разы на год праводзіліся кірмашы.
За сваё існаванне гэта мястэчка знаходзілася то ў
Завішэй, Ваньковічаў і ў Свянтаржэцкіх.
У выніку другога падзела Рэчы Паспалітай у 1793 годзе
Багушэвічы апынуліся ў складзе Расійскай Імперыі.
У 19
стагодзі апошнія ўладальнікі Багушэвічаў Свентажэцкія пабудавалі сядзібу і новы
неагатычны храм Божага Цела, які планавалі выкарыстоўваць як сямейную ўсыпальню
і знаходзілася яна на тэррыторыі іхняй сядзібы. Пра касцёл распавяду крыху
пазней, а зараз, хацелася б асабліва распавясці пра апошніх гаспадароў гэтага
месца.
Паходжанне
сям’і Свентавэцкіх можна прасачыць з Позняга Сярэднявечча прыблізна з 1400
года. У гісторыі аб Свентажэцкіх нельга абмінуць вёску Маліноўшчына, што на
Маладзечаншчыне, дзе ў маёнтку была зроблена цэлая водная сістэма ў выглядзе
8—12 сажалак з дамбамі і шлюзамі кожная, пазней пачне дзейнічаць звярынец
плошчай аж 90 гектараў, не кажучы пра усё іншае багацце, але гэта іншае
падарожжа.
Адкуль усё такое багацце? А усё проста, гэтая сям'я
гістарычна мела высокі тытул, што спрыяла эканамічнаму развіццю. Адной з прыбыльных галін іхняга даходу быў выраб алкагольных напояў, якія карысталіся поспехам у
Расійскай імперыі, Польшчы, Аўстрыі і Італіі, таксама прыбытак прыносіў і завод
па вытворчасці крухмалу і мукі.
Зямлю ў Багушэвічах
набыў мінскі павятовы маршалак Тадэвуш, дзе і быў пабудаваны радавы
маёнтак. У 1831 годзе ў заможнай шляхецкай сям'і,
нарадзіўся ўнук Тадэвуша - Баляслаў Свентажэцкі.
Вучыўся ў Віленскім дваранскім інстытуце і Пецярбургскім універсітэце, дзе разам з іншымі выхадцамі з Беларусі і Польшчы стаў прыхільнікам рэвалюцыйных антыімперскіх ідэй.
Вучыўся ў Віленскім дваранскім інстытуце і Пецярбургскім універсітэце, дзе разам з іншымі выхадцамі з Беларусі і Польшчы стаў прыхільнікам рэвалюцыйных антыімперскіх ідэй.
Тым часам на Радзіме, у Багушэвічах, бацькі Баляслава, не вельмі падтрымлівалі дэмакратычныя
погляды, і таму у 1850 г . сход прадстаўнікоў
дваранства Мінскай губерні разглядаў справу «аб жорсткім абыходжанні памешчыкаў
Свентажэцкіх з дваровымі людзямі і сялянамі». Справа паведамляла, што сяляне
маёнтка Багушэвічы былі пазбаўлены панамі дроваў на зіму. Гэта прымусіла цэлыя
сем’і пераходзіць у чужыя хаты, каб свае разбіраць на апал. У выніку, калі
скончылася зіма, большасць жытла было спалена. Каб неяк выкупіць тое, што
нарабілі бацькі, Баляслаў прыклаў шмат намаганняў у распрацоўцы сялянскай
рэформы 1861 г .
Чэслаў Свентаржэцкі быў жанаты на Лаўры Казіміраўне
Завадскай, пляменнмцы вядомага на Меншчыне багача-магната Льва Ошторпа
У 1863 г . Баляслаў Свентажэцкі
пачынае актыуны ўдзел у паўстанні, выконвае абавязкі камісара Мінскай губерні,
змагаецца ў атрадзе Ляскоўскага.
Самым
моцным і баяздольным атрадам Мінскай губерні лічыўся Ігуменскі, які ўзначальваў
Станіслаў Ляскоўскі. Ядро яго
сфарміравалася яшчэ 17 красавіка 1863 годзе ў Багушэвiчах — маёнтку
Свентаржэцкага.
Перад паходам, у сельскім праўленні Свентаржэцкі сарваў са сцяны царскі партрэт,
зачытаў «друкаваны маніфест, аб’явіў, каб не плаціць ніякіх падаткаў i не
даваць рэкрута і што зямлю ён дорыць сялянам», абвяшчалася ўзраджэнне Рэчы Паспалітай.
Адсюль паўстанцы адправіліся ў Ляды, злучыўшыся з Ляскоўскім.
Адсюль паўстанцы адправіліся ў Ляды, злучыўшыся з Ляскоўскім.
У Лядах Ляскоўскі аб’явіў сябе камандзірам. 3
паўстанцамі застаўся і камісар Свентаржэцкі, таму Ігуменскі атрад часта
называлі таксама «партыяй Свентаржэцкага»
9 мая 1863 года адбыўся жорсткі бой, які працягваўся
некалькі гадзін, у лясах, за некалькі вёрст ад вёскі Юравічы, дзе царскімі
атрадамі было забіта каля 19 паўстанцаў, але
паўстанцкі атрад змог адыйсці нанёсшы таксама страты царскаму войску, каля 15
забітых і 20 параненых.
23 мая 1863 года больш за 40 паўстанцаў увайшлі ў
Багушэвічы і павесілі на перакладзіне варот уласнага дома мясцовага свяшчэнніка
Данілу Канапасевіча. Называецца некалькі прычын гэтага ўчынку. Адна з
іх — за тое, што «парваў адозву рэвалюцыйнага камітэта, у якой была
абяцана сялянам зямля, калі яны далучацца да мяцяжу Ёсць і такія звесткі: «Повешен
повстанцами за агитацию крестьян помогать войскам в поимке повстанцев и
жестокое обращение с пленными повстанцами».
Працуючы над раманам «Каласы пад сярпом
тваім», Уладзімір Караткевіч адшукаў у архівах наступнае: «…У 20 вёрстах ад
Ігумена, ля вёскі Юравічы, … былі захоплены палонныя. Пачалася расправа. Адзін
з параненых паўстанцаў прасіў піць, і тады поп Канапасевіч, грунтуючыся,
відаць, на вучэнні аб хрысціянскай літасці, насыпаў яму ў рот пяску. Пазней
гэтага папа паўстанцы павесілі на перакладзіне ўласных варот, чым далі
афіцыйнай прэсе падставу крычаць аб злачынствах.»
Дарэчы, у Белічанах жыў родны дзядзька Канапасевіча, былы настаўнік Лажынскага духоўнага вучылішча, які даведаўшыся пра падрыхтоўку мясцовай шляхты і сялян да мяцяжу, напісаў у Пецярбург данос, але яго вылічылі патрыятычна схіленыя чыноўнікі і ў выніку ананімшчык быў выдалены ў Суздальскі манастыр.
Дарэчы, у Белічанах жыў родны дзядзька Канапасевіча, былы настаўнік Лажынскага духоўнага вучылішча, які даведаўшыся пра падрыхтоўку мясцовай шляхты і сялян да мяцяжу, напісаў у Пецярбург данос, але яго вылічылі патрыятычна схіленыя чыноўнікі і ў выніку ананімшчык быў выдалены ў Суздальскі манастыр.
Што тычыцца Канапасевіча, то ў
1856 годзе ён быў назначаны святаром
Крыжа-уздвіжанскай царквы ў Багушэвічах , перад рукапакладаннем на святы
сан, ён прынёс генеральную вернападаную
прысягу імператару Аляксандру ІІ:
Што было насамрэч засталося ў мінулым, але што адбылося з паўстаннем і паўстанцамі мы выдатна ведаем, так і Баляслаў Свентажэцкі быў вымушаны міграваць у Францыю, а бацькоў Баляслава Чэслава і Ганну пад пільным паліцэйскім наглядам выслалі ў Пензенскую губерню, маёнтак Свентажэцкіх, дзе дзейнічаў тэатр і вяселі каштоўныя палотны сусветных мастакоў, па загадзе Мураўёва-вешальніка быў спалены. Пазней і радавая капліца зазнала перамены: з каталіцкай яе перарабілі ў праваслаўную і асвяцілі як царкву святога прарока Данііла, відавочна, каб ушанаваць памяць святара Данііла Канапасевіча якога пакаралі паўстанцы.
“Аз
нижеименованный, обещаюсь и клянусь Всемогущим Богом пред Святым Его
Евангелием, что хощу и должен Его Императорского Величеству… верно и
нелицемерно служить, и во всем повиноваться, не щадя живота своего, до
последней капли крови, и все к Высокому Его Императорского Величества
Самодержавству, силе и власти принадлежащие права и преимущества, узаконенные и
впредь узаконяемые, по крайнему разумению, силе и возможности предостерегать и
оборонять и при том, по крайней мере, стараться споспешествовать все, что к Его
Императорского Величества верной службе и пользе государственной во всяких
случаях касаться может. О ущербе же Его
Величества интереса, вреде и убытке, как скоро о том уведаю, не токмо
благовременно объявлять, но и всякими мерами отвращать и недопущать тщатися, и
всякую вверенную тайность крепко хранить буду, и поверенный и положенный на мне
чин, … и как я пред богом и судом Его страшным в том всегда ответ дать могу,
как суще мне Господь душевно и телесно да поможет”.
Што было насамрэч засталося ў мінулым, але што адбылося з паўстаннем і паўстанцамі мы выдатна ведаем, так і Баляслаў Свентажэцкі быў вымушаны міграваць у Францыю, а бацькоў Баляслава Чэслава і Ганну пад пільным паліцэйскім наглядам выслалі ў Пензенскую губерню, маёнтак Свентажэцкіх, дзе дзейнічаў тэатр і вяселі каштоўныя палотны сусветных мастакоў, па загадзе Мураўёва-вешальніка быў спалены. Пазней і радавая капліца зазнала перамены: з каталіцкай яе перарабілі ў праваслаўную і асвяцілі як царкву святога прарока Данііла, відавочна, каб ушанаваць памяць святара Данііла Канапасевіча якога пакаралі паўстанцы.
Пазней, у летку 1863 года на былым двары Свентажэцкіх
былі павешаны і падазроныя у гэтай справе.
Хто ведае колькі жорсткасцяў адбывалася на гэтых
землях, колькі людзей забівалася, а ўсё з чаго - з таго таго, што новая улада якая прыйшла да нас, знішчала любы знак,
які мог несці ёй пагрозу нагадваючы пра сваю свядомасть.
У
1862 годзе ў мястэчку адкрылася школа, працавала пошта, дзейнічалі касьцёл,
царква, 4 сінагогі.
Да пачатку паўстання 1863 года у касцёле
захоўвалася зброя для паўстанцаў, у нізу ў скляпеннях касцёла, таксама па
некаторых чутках, па начах кавалі выраблялі і рамантавалі зброю.
У 1875 годзе маскоўскі гаспадар Аляксандар
II падараваў Багушэвічы Шалгунову. У XIX стагодзьдзі ў мястэчку працавала
пажарная каманда. У 1900 годзе адкрылася другакласная царкоўна-прыходзкая
школа. У 1915 годзе каля мястэчка быў знойдзены манетны скарб.
25 сакавіка 1918 году згодна з Трэцяй
Устаўной граматай Багушэвічы абвяшчаліся часткай Беларускай Народнай
Рэспублікі.
Bahuševičy.Багушэвічы (C Sauermilch,1918)
Bahuševičy.Багушэвічы (C Sauermilch,1918)
У 1919 годзе калі частка Беларусі
апынулася пад уладай Польшчы, пераасвечаны царскім урадам ў 1869 годзе храм у
гонар прарока Данііла вярнулі каталікам і асвяцілі ў гонар Божага Цела.
У час савецкай ўлады касцёл выкарыстоўвалі
як склад, пазней прыстасавалі пад клуб, потым ён быў закінуты пакуль у 1989
годзе ў касцёле не адбыўся моцны пажар, які значна пашкодзіў знешні воблік, а
усё ўнутраннае ўбранне было знішчана полымям.
З пачатку 2000 гадоў у касцёле праводзяцца рэстаўрацыйныя працы. Касцёл працуе і кожную нядзелю ў 14:00 тут праходзіць святочная імша. Усе жадаючыя могуць далучыца.
З пачатку 2000 гадоў у касцёле праводзяцца рэстаўрацыйныя працы. Касцёл працуе і кожную нядзелю ў 14:00 тут праходзіць святочная імша. Усе жадаючыя могуць далучыца.
Што мы маем на сённешні дзень з цікавасцяў
у Багушэвічах:
У Багушэвічах працуюць сярэдняя школа,
лякарня, клуб, бібліятэка, пошта.
У цэнтры Багушэвічаў ва ўрочышчы
Касцельная гара (Касьцелішча) знаходзіцца гарадзішча мілаградзкай і зарубінецкай
культураў, стаіць касцёл Божага Цела прыблізна з 1840 года.
А
што мы страцілі з помнікаў:
Сядзібна-паркавы комплекс Свентажэцкіх 18
ст., нават няма ніякіх замалёвак і малюнкаў, каб прыблізна паглядзець які ён
быў.
Вось такая складаная гісторыя і лёс гэтага паселішча, калі вас усё гэта зацікавіла, то завітайце ў Багушэвічы, я, напрыклад тут ужо два разы быў)
Крыницы: Паўстанне 1863 года ў Ігуменскімпавеце
Крыницы: Паўстанне 1863 года ў Ігуменскімпавеце
Комментариев нет:
Отправить комментарий